減肥係女仔嘅天職👙會用盡唔同方法令自己擁有苗條身材！但其實各位女士們係可以好好利用我哋先天性嘅條件去輕鬆減肥架😎依個就係月經週期減肥法，大致會分開以下4個階段:
第一階段: 瘦身滯留期（經期第1-7日）
月經初期，體內黃體激素分泌減少，導致情緒低落，睡眠質素欠佳，容易感到疲勞。依段時間大家不宜過度節食，令自己脫水，反而減唔到脂肪。
除咗要飲多啲水之外，要食多啲含鐵質、鎂及維他命B嘅食物，例如如牛肉、香蕉、動物肝臟等，少食啲太鹹同酸性嘅食物。當然依段時間就忍下口，唔好食太辣、生冷嘢同煙酒。仲有小編到依架都成日聽到身邊人話依段時間食咩都唔會肥就放肆咁食，但如果攝取過量熱量，經期過後體重都喺會上升。
依段時間可以做每星期3-5小時嘅輕量級運動，主要喺「塑形、伸展」，例如：慢步、慢跑、瑜珈等。
第二階段：瘦身高峰期（經期後第7-14日）
依段係減肥黃金時間，因為雌性激素分泌旺盛，令我哋嘅新陳代謝加快，精力充沛，會好快吸收同消耗體內嘅碳水化合物、脂肪、蛋白質，再配合適量有氧運動，減肥簡直事半功倍！
減少攝取澱粉質，食返啲補充體內蛋白質、鈣質同鐵質同有利於消化同新陳代謝嘅食物，例如紅肉、魚類、牛奶、冬瓜、芹菜等，可加速大家瘦身。亦都要儘量減少攝取高熱量同高脂肪嘅食物，因熱量如果唔可以迅速分解就會變成脂肪，最後減肥就變咗增肥架喇~
要好好把握依段減肥黃金時間，每日或隔日做2小時有氧運動，最好每星期至少保持7小時以上，例如：跑步、游泳、踩單車等易於消耗熱量同提升新陳代謝嘅運動
第三階段：瘦身緩和期（經期後第14-21日）
排卵期後一星期，體內黃體激素分泌開始增加，新陳代謝變慢，食慾大咗，同時肌膚狀況及情緒變得不穩定。雖然第三階段比起第二階段嘅減肥效果唔喺好明顯，但保持以下習慣都會有唔錯嘅成果！
大家依個時間要為下次月經做好準備，增加攝取鐵質同蛋白質，多食高纖維食物，例如蔬菜、水果、全穀類、全麥麵、糙米、燕麥等食物。喺兩餐之間可以食一啲核桃、腰果等維他命B嘅食物，有利於調整月經和鎮靜神經。
運動量要保持住一星期6個小時以上嘅有氧運動或重量訓練，以消耗熱量同脂肪。
第四階段：瘦身停滯期（月經後第21-28日)
月經前一星期，由於受體內激素影響，體內分泌黃體激素十分活躍，同時引起皮下脂肪活躍，身心狀況都開始唔穩定，皮膚會比較油同生粉刺，成個人臃臃腫腫。
依段時間飲食要清淡啲，容易消化，有營養，同時要攝取足夠蛋白質及鉀，多食豆類、綠葉蔬菜同生果。雖然依個時期食慾大增，但大家都要盡量少食零食同油炸食品，尤其喺宵夜。
將運動量調至一星期3小時嘅有氧運動同重量訓練，亦都可以做一啲瑜伽，令自己身心舒暢，同時促進血液循環，減少水腫同經痛。
圖片來源：網絡