【Treat精實測】我要做女神！做咗呢兩個療程港女都升Grade變女神
香港天氣潮濕悶熱，加上返工日日都戴住口罩，發唔發覺戴口罩皮膚都變差咗？Treat精呢排皮膚係咁出油，仲生咗好多黑頭同粉刺。最慘嘅係返工會出街食飯又成日叫外賣，條腰果度多咗幾圈士啤呔。為咗出街可以化個靚妝、show下自己嘅小蠻腰，Treat精今次去咗Pristine Beauty 試咗水楊酸去角質煥膚同人手通淋巴療程，究竟Pristine Beauty 嘅療程好唔好呢？
環境明亮乾淨
一入去Pristine Beauty 就覺得好乾淨，光線充足。房間都幾大，仲有埋窗，可以有啲自然光，成個環境都俾一種好自然、舒服嘅感覺。美容師都好貼心，同Treat精好仔細咁介紹咗療程內容同功效添！
水楊酸去角質煥膚療程
呢個療程針對性幫助皮膚去角質同重拾肌膚光澤，最獨特嘅係去角質果陣會有種火辣辣嘅感覺，之後有冰球按摩皮膚，簡直係享受緊一場冰火兩重天嘅旅程！
Step 1 美容師用Epionce Lytic Gel Cleanser 清潔面部兩次，產品內含薄荷成分，冰冰涼涼，有助舒緩皮膚敏感。
Step 2 開始去角質護理，時長約5分鐘。美容師用咗含霸王花精華嘅水楊酸，使用期間會有種炙熱感。有賴美容師的專業手勢，徹底清除咗啲老化死皮，做完即時feel 到肌膚滑咗啲。
Step 3 中和洗面，平衡皮膚酸鹼性，舒緩面部肌膚。
Step 4 使用營養水鎮靜同清潔面部，過程中有冰涼嘅感覺，好舒服！
Step 5 塗上保濕鎮定面霜，再用冰球按摩皮膚，冰球冰涼感十足，舒緩咗先前去角質個陣熱辣辣嘅感覺。加上美容師手法專業，Treat精做做吓差啲訓著。
Step 6 敷上保濕面膜，大約等15分鐘。
登登登凳~完成！
Treat精做完之後覺得皮膚明顯變得明亮有光澤，黑頭粉刺都少咗好多，摸落去感覺滑咗，好似啱啱剝殼嘅雞蛋咁。尤其係Pristine Beauty 用咗Epionce 嘅得獎產品，配合埋美容師專業嘅手法，皮膚感覺真係有好大改善，發揮咗Epionce 產品最大嘅功效！
採用【美國皮膚科醫學品牌】Epionce美容產品
Epionce可能香港少人認識，原來呢個品牌由皮膚科醫生創立，係專業醫學品牌。產品揉合咗不同活性植物精華，廣受業界認可，佢嘅產品屢次獲獎。今次療程中使用嘅產品獲得美國美容界權威雜誌New Beauty Beauty Choice Award 美容之選大賞！無論中性肌同油肌用都好正，因為佢可以洗走油感同疏通毛孔，仲有消炎殺菌功效，做完療程仲可以之後喺Pristine Beauty配埋成set家用版product做日常護理添！
人手通淋巴
Treat精以前按摩做得多但通淋巴就比較少，始終淋巴需要專人疏通，亂咁按會越嚟越傷。各位姐妹成日坐office，缺乏運動，作息不定時都會影響新陳代謝，導致肥胖、水腫等問題。身體出現問題時，淋巴位置會有輕微腫脹，Pristine Beauty 有專人通淋巴，加快新陳代謝，幫助身體排出毒素。
治療師幫Treat精針對小腿、膝頭後淋巴位、背部、肩頸同腹部通淋巴，完全係中哂我地呢啲OL嘅需要呀！治療師通淋巴時，力度控制得好好，較腫脹嘅位置會有疼痛感。療程完成後，淋巴位置肉眼可見無咁腫，肌肉唔再咁緊，成個人都鬆曬。Treat精最驚喜嘅係腹部通淋巴，可以有助女性子宮保健及改善便秘，Treat精親測有效，做完之後最明顯係無水腫啦，淋巴通一通，腰圍都鬆咗一鬆。
好物推薦：撥筋棒
通完淋巴都覺得唔夠喉? 仲可以係Pristine Beauty 加碼撥筋棒，幾下就即時起痧，有效排出體內濕氣同去水腫。
Treat精有嘢講：「今次兩個療程感覺到美容師嘅服務真係超級專業，去角質後用冰球按摩真係一個好新鮮嘅體驗，做完水楊酸去角質煥膚療程感覺皮膚光滑咗好多，好適合膚質受損、爆瘡之後做修復。人手通淋巴效果真係好驚喜，通完即刻見到成效，成個人無咁腫，成個body都輕盈咗，啱曬我哋坐office嘅姊妹。」
店鋪資料
電話：3620 3355
地址：銅鑼灣渣甸街25號金利隆中心19樓
← 舊文章
新文章 →
