【Treat精提提你】 喉嚨乾到有幾聲咳 | 係時候煲返碗靚湯!

一到秋冬，成個人就好乾燥，咀唇爆拆👄皮膚仲要甩皮甩到片地雪花、而喉嚨又乾到有幾聲咳，行岀街又怕嚇親人🌼依個時候就好快啲煲返碗靚湯滋潤吓啦!
但怕好大浸藥材味嘅湯水😎等Treat精教大家煲啲比較清新又好飲嘅靚湯潤一潤啦🌿

杏仁雪梨茶
材料：杏仁粉一茶匙、梨子汁150c.c、蜂蜜少許。
製法：將杏仁粉與梨子汁攪拌均勻，再加入少許蜂蜜調味即可飲用。

 

無花果雪梨薏米水

材料：雪梨4個、土耳其無花果6粒、生薏米及熟薏米各半碗
製法：
1. 生熟薏米先浸1個鐘；無花果略沖洗後切開一半；雪梨去芯切件。
2. 煲內放入3碗水，然後將所有材料加入煲內，待水滾後，用大火加蓋煲約15分鐘，然後轉慢火加蓋煲多1個鐘。
3. 煲好後試味，如有需要可加少少冰糖調味。

 

蘋果百合無花果瘦肉湯
材料：蘋果(蛇果)4個, 無花果5粒, 雪耳1朵, 鮮百合1包, 果皮1片, 豬肉眼$70
製法：
1. 豬肉洗乾淨氽水；果皮浸透去囊；無花果洗淨切半；鮮百合洗淨剝成一瓣瓣備用。
2. 雪耳浸軟剪切塊；蘋果洗淨去皮去芯切件。
3. 煲內放約4L水，然後加入果皮。
4. 待水滾後再放入其他材料，用大火煲約半個鐘，之後就轉用慢火加蓋煲約1.5個鐘。
5. 最後加少少鹽調味。

 

*請自行因應個人體質而決定食療是否適用。

圖片來源：網絡