話說小編係有條齋啡癮☕️，相信有啲朋友仔都有依條癮嘅😎，每日都要飲杯齋啡先安落，如果無飲個日會成個人囉囉攣😖而身邊嘅人每次見到我就咁飲齋啡，就會好驚奇「點解會飲得落㗎？」同會苦口婆心話「好削胃㗎！搞到身體差㗎！」個啲，其實適當時候飲適量嘅齋啡對身體係有好處㗎！
*抗氧化抗衰老咖啡豆含綠原酸，可防止黑色素沉澱，預防黑斑產生，有抗氧化功效，可以保持肌膚彈性有光澤，延緩肌膚老化。
*提升新陳代謝及運動表現更燃脂
齋啡中咖啡因可增加 3% - 11% 的基礎代謝率，有助熱量消耗。喺運動前1個鐘，飲一杯齋啡，可以增強 11% - 12% 的運動表現，有助消耗更多熱量。不過要留意咖啡利尿，記得喺運動過程中適當補水，避免過度排出水分造成脫水！
*分解脂肪細胞
齋啡中咖啡因、茶鹼、可可鹼會喺中樞神經中提高神經系統嘅傳輸，增加腎上腺素同多巴胺嘅分泌。依兩種分泌物，使囤積的脂肪細胞被分解成血液中嘅脂肪酸，而且促進腸胃蠕動，從而減少脂肪積聚。
*抑制食慾
齋啡會增加體內血糖的含量，令到大腦有飽肚感，從而抑制食慾。
咖啡因會增加血液中腎上腺素含量，可增強心肺功能、提高專注力、刺激神經系統傳道。而且咖啡可以增加血液脂肪酸含量，從而令身體更有能量，減少消耗碳水化合物，令人醒腦醒神，所以喺早上或午飯後飲杯齋啡，唔會瞌眼瞓又有助提升記憶力同專注力。
*鎮靜情緒
咖啡豆嘅香氣同釋放嘅多巴胺、血清素、正腎上腺素等神經傳道物質，可鎮靜情緒，減少抑鬱情況的出現。
根據衛生福利部建議，一般成人每日可攝取的咖啡因約為 300 毫克，攝取過量咖啡因，可能會有反效果，影響腸胃，失眠或心悸等狀況，所以要盡量避免空肚服用同適可而止啊！
圖片來源：網絡